Тэсэлгээний хөгжлийн тэргүүний түвшинд бид ажилладаг
Монгол улсын хувьд уул уурхайн салбарын түүх шинээр бичигдэх сонирхолтой цаг үе ирж байна. Уул уурхай эрчимтэй хөгжлийн замдаа орж зөвхөн олборлоод гадагшаа зөөх биш, үйлдвэрлэлийн шатанд шилжих сайн эхлэлүүд бий болж байна. Дэлхийн уул уурхайн хөгжлийн шинэ техник, технологи, стандарт, үзүүлэлтүүд уул уурхайн шилдэг компаииудаар дамжин нэвтэрэхийн зэрэгцээ энэ салбарт ажиллах боловсон хүчний тоо, мэдлэг ур чадвар өдөрөөс өдөрт нэмэгдэж байна. Уул уурхайн салбарын эрдэм ухаан, эр зориг, эрч хүч шаардсан хүчир ажилд эрчүүдтэй мөр зэрэгцэн, манлайлан ажиллаж байгаа Мера ХХК-ийн өрөмдлөг тэсэлгээний менежер Д.Нарантуяаг энэ удаагийн дугаартаа урьж оролцууллаа.
Бидний тухай
Мера ХХК нь уул уурхайн салбарт өрөмдлөг, тэсэлгээний ажил, үйлчилгээ эрхэлдэг үндэсний компани бөгөөд 2001 оны 01 сарын 03-ны өдөр анх байгуулагдсан цагаасаа бизнесийн үйл ажиллагаагаа тогтмол өргөжүүлэн хөгжүүлж, өөрийн зах зээлдээ тэргүүлэгч байр суурь эзэлсэн Монгол улсын ТОП-100 аж ахуйн нэгжийн нэгээр тогтмол шалгарч буй үндэсний шилдэг компани болоод байна.
